如閣下不能閱讀此郵件，請點擊此處!  如閣下不希望再收到此郵件，請取消訂閱.
港超賽程
國際賽後，又番到黎第5週港超聯賽事！

今晚8點，上仗熱血反勝嘅港會主場出撃力爭兩連勝，香港飛馬要小心提防啦！

星期六有上季港超聯Top 4大鬥法！下午2點半先有冠忠南區係香港仔運動場迎戰一直有好表現嘅東方龍獅；尾場有觸目大戰傑志對南華，南華上仗對東方龍獅表現獲得好評，今仗同暫時四戰四勝嘅傑志係旺角大球場搶分！呢兩場賽事都有直播，不過入場睇大戰最有氣氛！

星期日斧山道運動場有標準灝天迎戰理文流浪，相信上仗先贏後輸嘅標準灝天一定會捲土重來向理文流浪搶分！尾場有R&F富力首次小西灣運動場主場迎戰開季表現唔錯嘅九巴元朗！

球場見啦各位球迷！
 
港超積分表

打完第四週賽事，傑志以4戰4勝12分繼續站穩榜首位置，上週東方龍獅及南華對戰至最後一分鐘和氣收場，暫時同得7分緊隨其後，今個週末到南華同傑志搶分！

而中游份子就有香港飛馬、九巴元朗、和富大埔及標準灝天。港會及R&F富力上週同樣取得首勝，分別排係第8及第9位。榜尾有暫時未打開勝仗嘅理文流浪及冠忠南區，其實兩隊開季表現不俗，希望今週可以把握機會打開勝利之門！


 
© 2005 - 2016 Hong Kong Football Association Ltd. 轉發郵件 | 更新郵箱資料 | 取消訂閱

香港足球總會
地址 : 香港九龍何文田佛光街55號
電話 : (852)2712 9122 傳真 : (852)2768 8825 電郵 : hkfa@hkfa.com (一般查詢 )