如閣下不能閱讀此郵件,請點擊此處!  如閣下不希望再收到此郵件,請取消訂閱.
冠忠南區門將謝德謙奪中銀人壽香港超級聯賽1月最有價值球員!
謝德謙係1月替冠忠南區上陣嘅兩場賽事,先後以1比0擊敗南華及傑志,兩場均保住不失,其中對傑志一仗更救岀十二碼,係冠忠南區兩場勝仗功臣,亦係今季第一位獲獎嘅門將!上星期六謝德謙係流浪名宿黎榮富手上接過1月最有價值球員(MVP)獎,黎榮富由流浪展開甲組生涯,由初期前鋒轉踢後衛,輾轉效力東昇、加山及寶路華,及後轉職教練,帶領傑志由丙組升上甲組。

冠忠南區已經連續6場聯賽0失球兼且攻入18球!今個星期對九巴元朗嘅賽事,冠忠南區又能否創造7場0失球呢?

-巴士打吡-
九巴元朗 vs 冠忠南區
2月26日 下午5點半 元朗大球場

 
港超賽程
【第16週賽程!】- 2016-17年度中銀人壽香港超級聯賽
倒數7週,各隊繼續全力搶分!今晚8點有南華係旺角大球場迎戰R&F富力,南華絕對需要一場勝仗去洗走頹氣,不過今仗亦要小心提防頻頻有波入嘅卓耀國!

星期六標準灝天回到斧山道運動場迎戰榜首東方龍獅,東方龍獅開始需要雙線作戰,聯賽又能否保持不敗呢?星期六尾場理文流浪迎戰港會,首循環理文流浪只能小勝一球,今仗能否爭取好成績呢?

而星期日就會上演兩場大戰,頭場大埔運動場有和富大埔對香港飛馬,兩隊首循環1:1打成平手,下半季增兵後都有唔錯嘅表現,今仗絕對要分出勝負!

壓軸係元朗大球場有「巴士打吡 - 九巴元朗 vs 冠忠南區」,首循環兩隊激戰90分鐘只能以1:1各得一分,今仗冠忠南區只要勝出就可以壓過九巴元朗升上聯賽榜第三位!

本週南華對R&F富力及巴士打吡都會有直播!不過呢兩場絕對值得入場睇!你又會睇邊場呢?比個LIKE黎睇下啦!
 
港超積分表
【九巴元朗冠忠南區壓過南華打入頭四!第15週積分榜走勢】- 2016-17年度中銀人壽香港超級聯賽
東方龍獅本週休戰繼續以33分排榜首,都係踢左13場嘅傑志就以30分排第二;九巴元朗及冠忠南區本週順利搶分,超越本週失分嘅南華升上第三及第四位,值得留意嘅係冠忠南區嘅得球數字已經超級左九巴元朗!

南華跌出頭四,和富大埔同樣失分繼續排第六。香港飛馬雙殺南華後壓過理文流浪升上第7位!榜尾位置並無變動,雖然R&F富力再勝一仗但位置不變。

 
港超賽果
【第15週賽果】- 2016-17年度中銀人壽香港超級聯賽
港會力戰而敗3:4不敵R&F富力;冠忠南區2017迎來五連勝6:0擊敗標準灝天;傑志次循環再以一球小勝和富大埔;九巴元朗2:0輕鬆擊敗理文流浪,香港飛馬再憑梁嘉恆及查維斯雙殺南華!

港會 3:4 R&F富力
冠忠南區 6:0 標準灝天
傑志 1:0 和富大埔
九巴元朗 2:0 理文流浪
南華 0:2 香港飛馬

詳細比賽報告可以㩒入圖片睇到。
#EmbraceTheMoment #HKPL #港超賽果
© 2005 - 2016 Hong Kong Football Association Ltd. 轉發郵件 | 更新郵箱資料 | 取消訂閱

香港足球總會
地址 : 香港九龍何文田佛光街55號
電話 : (852)2712 9122 傳真 : (852)2768 8825 電郵 : hkfa@hkfa.com (一般查詢 )