|
【倒數五週!第18週賽程!】- 2016-17年度中銀人壽香港超級聯賽 |
|
【倒數五週!第18週賽程!】- 2016-17年度中銀人壽香港超級聯賽2016-17年度中銀人壽香港超級聯賽去到最後階段,今週硬仗連場!星期五有榜尾觸目大戰,首循環碰頭港會係兩次落後下都能扳平,最後更憑米高堪士嘅絕殺反勝標準灝天!今次再碰頭,近期打出士氣嘅港會能否再挫對手呢?星期六頭場,冠忠南區及和富大埔兩支區隊繼上週菁英盃四強戰後再度碰頭,上週食左3蛋嘅冠忠南區誓要係主場復仇!尾場有傳統勁旅大戰,東方龍獅硬撼南華!上次碰頭東方龍獅有李康廉係89分鐘射成2:1,正以為全取3分之際羅港威係補時階段射個窩利2:2迫和東方龍獅,相信今仗將會同樣刺激,球迷唔好錯過!星期日頭場,傑志主場迎戰理文流浪,要緊追東方龍獅,傑志可以話每一仗都唔可以失分!星期日尾場,R&F富力與香港飛馬全力搶分,上次碰頭香港飛馬被對手反勝,今仗絕對唔可以再失分啦!星期六東南大戰以及星期日傑志主場賽事都有直播,不過入場睇最好!你又會睇邊幾場呢?#HKPL #EmbraceTheMoment #港超賽程 #港會 #標準灝天 #冠忠南區 #和富大埔 #東方龍獅 #南華 #傑志 #理文流浪 #RF富力 #香港飛馬 |
|
|
|
|
|