之前講過咁多關於狗狗牙齒健康嘅資訊，相信錫狗狗嘅主人們亦都開始明白幫狗狗護齒嘅重要性。近來就有好多主人問我「到底要點幫狗狗刷牙？」正所謂工欲善其事，必先利其器！幫狗狗刷牙前，我地首先要為佢地選擇適合嘅刷牙工具：牙刷同牙膏！
- 牙刷
人類用嘅牙刷有分大人用同小朋友用，而狗狗嘅牙刷亦都有分大狗用定細狗用。先講細狗，小型狗狗大多數都係用指套牙刷嘅～呢種牙刷非常方便，只要主人將牙刷套套住手指，再伸手入狗狗口內幫狗狗清潔牙齒就得～而大狗就用帶柄牙刷。專家建議最好每隻牙仔刷10秒，咁就包乾淨喇～
- 牙膏
主人們要切記！千祈唔好貪方便用人類用嘅牙膏幫狗狗刷牙呀！因為人類用嘅牙膏含有氟嘅成份，狗狗吞左落肚可能會導致中毒架 >_< 其實而家市面上推出左好多狗狗專用牙膏，佢地嘅功用主要都係幫狗狗舒緩口臭問題、減少牙菌斑等等。值得一提嘅係呢啲狗狗專用牙膏都加入左狗狗鍾意嘅味道，例如雞肉味同花生醬味咁， 希望狗狗接受並習慣刷牙～
雖然獸醫建議主人每日都幫狗狗刷牙，但作為忙碌嘅香港人，我地未必每日都得閒幫狗狗刷牙～呢個時候，主人就需要買潔齒骨俾狗狗，幫狗狗係日常生活中護齒喇！近來聽到好多主人話除左刷牙之外，佢地仲有俾狗狗食Greenies潔齒骨，據講話呢款潔齒骨減少牙石同防口臭嘅效果仲非常之唔錯添～未試過嘅主人們可以一戰！：）
狗, 狗狗健康, 狗狗牙齒, 狗狗牙周病, 狗狗護齒, Dog, health, teeth, oral
AD201509