金光閃閃嘅陽光同沙粒對主人同狗狗黎講，無可否認都真係好吸引！但玩嘅同時我地都要注意安全呀！主人們請務必要記住以下3大守則！
1. 唔好俾狗狗飲海水！！
海水對狗狗嘅腸胃有刺激性，會引起嘔吐同腹瀉架！所以主人帶狗狗去沙灘前，記住要幫狗狗準備好，確保就算去到沙灘都有足夠食水俾佢飲用。記住呀～玩還玩，狗狗想飲海水嘅一定要同佢地say NO呀！
2. 幫狗狗做好防曬～
短毛、淺毛色同無毛嘅狗狗都好容易曬傷～所以主人帶狗狗去沙灘前記住要幫狗狗做好防曬措施。但市面上好多太陽油都含有鋅嘅成份，並唔適合狗狗使用。主人買之前記住要問清楚呀～再唔係，主人可以考慮幫狗狗準備一件薄嘅t-shirt，保護狗狗嘅嬌嫩皮膚：）
3. 保護狗狗肉墊～
炎炎熱日，太陽往往會曬到啲沙好熱。如果啲沙過熱就會刺激到狗狗嘅手掌腳掌同肉墊>_< 所以主人要記住準備一條大毛巾，等狗狗腳仔熱嘅時侯可以行過去休息：）
夏天去沙灘玩的確好開心～只要做好安全措施，主人同狗狗就可以玩得既開心又安全啦！仲講？去玩啦！
http://dogdogoralhealth.blogspot.hk