我地每個星期都提住各位主人要幫狗狗做好牙齒護理，如果唔係狗狗好易有石結石嘅問題。但原來仲有主人唔係好清楚咩係牙結石～今次就詳細同大家講解一下到底牙結石係咩東東啦！
牙結石通常出現喺狗狗牙齒嘅頸部。對口腔黎講，牙結石係一種異來物，佢會不停刺激狗狗嘅牙周組織，壓住牙齦，導致牙齦發炎，最後病菌感染，牙周支持組織被破壞，搞到狗狗甩牙。再嚴重啲嘅話，口腔病菌更會入侵狗狗身體入面嘅器官，危害狗狗嘅生命安全，真係不容忽視架！！
話雖如此，但主人唔駛怕～牙結石嘅形成速度同型態係因狗狗而異嘅。一般黎講，牙結石喺開始嘅時侯會偏軟身，出現得耐左之後就會因為慢慢鈣化而變得硬身，而且難以清除。獸醫就建議主人最好每隔一兩日就幫狗狗刷一次牙同每日餵飼潔齒骨，喺狗狗牙齒上嘅結石鈣化之前幫佢清走牙結石，如果唔係愈積愈多，好易就會形成牙周疾病架喇～！
http://dogdogoralhealth.blogspot.hk