成日都提主人們記得幫狗狗護齒潔齒，但原來除左牙齒之外，狗狗嘅耳仔都好需要定期清潔架！如果狗狗耳仔唔乾淨，狗狗有可能會患上耳炎，到時就大件事喇>_< 主人千祈唔好以為幫狗狗清潔耳仔好麻煩，其實只需要跟住以下三大步驟做，主人就可以幫狗狗預防到耳炎架喇～
第一步
洗耳之前，主人應該先固定好狗狗嘅位置，唔好俾佢周圍郁。如果唔係洗耳果陣可能就會整親狗狗。固定好狗狗之後，將狗狗用嘅洗耳液對準狗狗耳道，擠出洗耳液。呢個時侯，狗狗會因為唔適應而郁黎郁去，主人要小心唔好俾洗耳液嘅樽頸整親狗狗。
第二步
等狗狗慢慢開始適應之後，主人就可以用手 輕輕按摩狗狗嘅耳仔底部，方便洗耳液流入內耳道，全面清潔狗狗嘅耳仔。
第三部
按摩完，用棉花輕輕抹走從狗狗耳仔流出嘅分泌物。大功告成～
記住呀～狗狗嘅耳仔應該呈健康嘅粉紅色！主人們記得要從狗狗細個開始幫佢地做好耳仔清潔～咁就唔駛怕狗狗患耳炎啦：）
http://dogdogoralhealth.blogspot.hk