「狗狗鐘意食骨頭」呢個概念我諗連三歲小朋友都好清楚。但食骨頭對狗仔有咩好處主人又知唔知呢？原來當中有好大學問架！
- 潔齒
狗狗咬骨嘅時侯，骨頭會磨擦到狗狗牙齒嘅表面。而磨擦嘅過程中，狗狗牙齒表面嘅污糟野亦都會被一併磨走。而家市面上就有唔少潔齒骨品牌，例如Greenies。佢地嘅潔齒骨加入左維他命同蛋白質，幫狗狗潔齒之餘，仲一次過補充佢地需要嘅營養！主人們不妨一試～
- 補鈣
呢個係坊間好常見嘅講法。的而且確，骨頭有豐富嘅鈣質，所以俾狗狗咬骨頭係有補鈣功用嘅～但主人千祈唔好誤會愈硬嘅骨頭愈高鈣，其實食太硬嘅骨頭會令狗狗牙齒斷裂架！主人要小心～千祈唔好亂餵呀 >_<
- 幫狗狗大便成型
啱啱都講過啦～骨頭含有豐富嘅鈣質。而鈣質有助大便成型。如果你嘅狗狗平時嘅大便比較稀，比較軟身嘅話，主人不妨多啲俾骨頭狗狗咬。相反，如果狗狗本身就有排便困難嘅問題，主人就應該停止俾狗狗咬骨頭喇。
http://dogdogoralhealth.blogspot.hk