現代人愈黎愈睇重養生，好多人臨訓前都會啪粒維他命丸幫自己補充營養。但狗狗唔同我地人類，唔可以成日食藥物去補充身體營養所需。今次就想同大家講解一下狗狗到底需要啲咩維他命，而呢啲營養我地又可以點用食物幫狗狗正確咁攝取到啦：）
維他命A
狗狗如果吸收得太少維他命A，就會有機會患上夜盲症。到時一入夜狗狗就會撞黎撞去不斷整親自己，諗起都心痛呀>_<
維他命A至營食品：牛奶、蛋、肝臟
維他命B
狗狗吸收得唔夠維他命B係非非非常嚴重架！！狗狗除左會嘔同暈之外，仲有可能會患上結膜炎又或者性器官發育不全，再嚴重啲仲可能會導致心臟衰竭，有生命危險添！
維他命B至營食品：薯仔、麵包、意大利粉
維他命C
維他命C可以幫狗狗加強佢地骨骼嘅柔軟度，減輕狗狗機能老化嘅徵狀。想狗狗身體夠fit，主人記住為狗狗提供足夠嘅維他命C呀～
維他命C至營食品：青椒、蘿蔔、椰菜花
維他命D
維他命D對狗狗好重要！有幾重要？佢除左提供養份俾狗狗骨骼生長之外，仲可以幫狗狗預防佝僂病添！相反，如果狗狗缺乏維他命D，雌性嘅狗狗可能生唔到bb架！
維他命D至營食品：肉類、無糖乳酪、魚
吸收到足夠嘅營養，狗狗先可以健康成長。不過主人要記住：攝取過量都會對狗狗嘅身體造成傷害。所以補還補，千祈唔好補過龍呀～！

http://dogdogoralhealth.blogspot.hk